एजेन्सीः पेरिस सेन्ट जर्मेन(पिएसजी) ले फ्रेञ्च लिगमा लियोनलाई परजित गरेको छ । आइतबार राति भएको खेलमा लियोनलाई २–० ले पराजित गरेको हो । तर पिएसजीलाई दुवै गोल लियोनले उपहार दिएको थियो।
घरेलु मैदानमा भएको खेलमा नेयमार, केलियन एम्बाप्पे र काभानीले केही राम्रा अवसर सदुपयो गर्न सकेनन् । पिएसजीले ७५ औं मिनेटमा लियोनको आत्मघाति गोलबाट अग्रता लियो । काभानीले फ्लिक गरेको बलमा लियोनका मार्सेलोले आफ्नै पोस्टमा गोल गरेपछि पिएसजीले अग्रता लियो ।
जेरेनी मोरेलले खेलको अन्त्यमा फेरि आफ्नै पोस्टमा गोल गरेपछि पिएसजीले लियोनलाई २–० ले पारजित गरेको हो। खेलमा पिएसजीका काभानीले प्रहार गरेको पेनाल्टीको अवसर लियोनका रक्षक एन्थोनी लोप्सले बचाए ।
अपराजित पिएसजीले लिगमा ६ खेलबाट १८ अंक जोडेको छ ।
