एजेन्सीः ब्राजिलीयन फरर्वाड बिना मैदान उत्रेको पेरिस सेन्ट जर्मेन(पिएसजी)को विजय यात्रा रोकिएको छ । फ्रान्सेली टोली पिएसजीले लिग वानमा मोन्टपेलियरसँग गोलरहित बराबरी खेल्दै नेइमारविना आफ्नो अपराजित यात्रा कायम राख्न सकेन ।
शनिबार राति भएको खेलमा पिएसजी नेइमार विना मैदान आएको थियो । नेइमारको खुट्टामा चोट लागेको कारण उनले खेल गुमाए, जुन खेलमा पिएसजी बराबरीमा रोकियो । पिएसजीका अर्का फरर्वाड केलिन एमबापेले गोलको प्रयास गरे पनि असफल भए । उनले गोलका लागि गरेको दुई प्रयास मोन्टपेलियरका गोलरक्षकले सहजै रोकेका थिए ।
बराबरीसँगै पीएसजीले अंक बाँडेपछि सात खेलबाट १९ अंक बनाएको छ । मोनाकोले भने लिलेविरुद्ध ४–० को जित निकालेकापछि समान सात खेलबाट १८ अंकका साथ दोस्रो स्थानमा रहेको छ ।
