आइतबार २ मंसिर, २०८१ | Sunday Nov 17, 2024
आइतबार २ मंसिर, २०८१ | Sunday Nov 17, 2024
काठमाडौं । कोकाकोला इण्डोर कर्पोरेट कप २०१६ को विजेता गोर्खा ब्रुअरी हुन सफल भएको छ । भेलोसिटी एरिनामा सेप्टेम्बर आइतबारसम्म भएको चार दिने क्रिकेट प्रतियोगितामा सहभागी १२ टिमा गोर्खा ब्रुअरी विजयी भएको हो ।
सहभागी १२ टिममा सेमीफाइनलमा सिप्रदी ट्रेडिड., कान्तिपुर, एफ वान सफ्ट र गोर्खा ब्रुअरी पुगेका थिए । बिजेता टोलीलाई नेपालको राष्ट्रिय क्रिकेट टिमका कप्तान पारस खड्काले पुरस्कार प्रदान गरेका थिए ।
नेपाल स्पोर्ट्स म्यानेजमेन्टको आयोजनामा भएको प्रतियोगिताको फाइनलममा टस जितेर ब्याटिंग रोजेको सिप्रदीले ९१ रन बनाएको थियो । उक्त लक्ष्य अन्तिम बलमा पछ्याएको गोर्खा ब्रुअरीले तीन विकेटले खेल जित्न सफल भएको हो । बिजेता टोलीलाई नेपालमै पहिलो पटक सिल्भर ट्रफी प्रदान गरिएको थियो ।
प्रतियोगितामा गोर्खा ब्रुअरीकै विश्वास मानन्धर म्यान अफ द म्याच भएका थिए भने सिप्रदीका शावन्त सिजापति म्यान अफ द सेरिज, बेष्ट बलर पनि उनी नै भएका थिए भने बेष्ट ब्याट्स म्यान कान्तिपुरका रोशन श्रेष्ठ भएका थिए ।
