आइतबार २ मंसिर, २०८१ | Sunday Nov 17, 2024
आइतबार २ मंसिर, २०८१ | Sunday Nov 17, 2024
काठमाडौंः राष्ट्रिय खेलकुद परिषद् (राखेप) अन्तर्गत नेपाल खेलकुद विज्ञान प्रतिष्ठान (सान) ले भारतको कोलकाता र मेदिनीपुरमा भएको मैत्रीपूर्ण क्रिकेटमा सहभागी भएको आफ्नो यु–१४ क्रिकेट टिमलाई सम्मान गरेको छ ।
उनीहरूलाई शनिबार आयोजित कार्यक्रममा युवा तथा खेलकुद मन्त्री दलजित श्रीपाइली, राखेपका सदस्य–सचिव केशव विष्ट, सानका कार्यकारी निर्देशक प्रकाश प्रधानलगायतले सम्मानित गरे ।
गत साता भएको मैत्रीपूर्ण क्रिकेटमा प्रियान्सु श्रेष्ठ, भार्गव चटौत, रिशोन मलेखु, क्षितिज न्यौपाने, हृदय गिरी, आविस्कार जोशी, रोहित राणा, विपीन शाही, कौशल श्रेष्ठ, निश्चल अमात्य, नितिश कर्ण, स्वरूप श्रेष्ठ, आर्यन स्वामी थापा, रोनक पराजुली, पेम्बा लामा, कलिल गिरी, प्रशान अधिकारी र पृथ्वी घिमिरेले भाग लिएका थिए ।
सोही अवसरमा सानद्वारा सञ्चालित क्रिकेट कोचिङ कोर्स एड्भान्स लेभल–२ उत्तीर्ण हुन सफल प्रशिक्षार्थीलाई पनि पुरस्कृत गरिएको थियो । उक्त कोर्समा विशाल राणा पहिलो, सिद्धान्त श्रेष्ठ र इशान चौधरी दोस्रो तथा तब्रेज खान तेस्रो भएका थिए ।
सानले सञ्चालन गर्दै आइरहेको विभिन्न कार्यक्रममा सहयोग पु¥याएका प्रशिक्षार्थीका अभिभावक पनि सम्मानित भए । विश्वजित राणालाई विशेष सम्मान गरिएको थियो ।
सम्मानित हुने अन्य अभिभावकमा भुवन भट्ट, अनिता पाण्डे, महेशमान मलेखु, अरूणदेव जोशी, भवानी विष्ट, भरत शाही, विनोद हाडा, युवराज गिरी, कमल थापा, शिवाली जोशी, सुमन श्रेष्ठ तथा रमेश जोशी छन् । रासस
