कञ्चनपुरः कञ्चनपुरको बेदकोट नगरपालिका– ३ भम्कामा एक करोड रुपियाँ बढीको लगानीमा अत्याधुनिक सुविधा सहितको कवर्डहल बन्ने भएको छ । नगरपालिकाका नगर प्रमुख अशोककुमार चन्दले मंगलबार शिलान्यास गरेपछि कर्वडहल बन्ने निश्चित भएको हो ।
उनले कवर्डहल निर्माण भएपछि नगर क्षेत्रमै राष्ट्रिय र अन्तर्राष्ट्रिस्तरका खेलाडी उत्पादन गर्न सकिने बताए । कवर्डहल निर्माणका लागि एक करोड ३० लाख २० हजार रुपियाँ विनियोजित रकम परिचालन गरी बोलपत्र आह्वान प्रक्रियाद्वारा निर्माण कार्य शुरु हुने छ ।
निर्माणको कार्य असार मसान्तभित्रै सम्पन्न गर्ने लक्ष्य लिइएको छ ।
