काठमाडौंः नेपाली हास्य कलाकार सिताराम कट्टेल ‘धुर्मुस’ले एक अन्तर्राष्ट्रिय स्तरको क्रिकेट रंगशालाको निर्माणमा सहयोग गर्ने घोषणा गरेका छन् । उनले नेपालले अन्तर्राष्ट्रिय क्रिकेटमा पाएको सफलतालाई ध्यानमा राख्दै नेपालमै एक अन्तर्राष्ट्रिय स्तरको क्रिकेट रंगशालाको निर्माण गर्ने बताएका हुन् ।
उनीसामु उच्चस्तरीय क्रिकेट रंगशालाको निर्माण गर्नको लागि जनस्तरबाट दबाव बढेको थियो । धुर्मुसले आफ्नो आधिकारिक फेसबुक एकाउन्टमा स्टाटस लेख्दै धुर्मुस सुन्तली फाउन्डेसनले रंगशाला निर्माणमा सहयोग गर्ने बताएका हुन् ।
साथै, उनले चाँडै रंगशाला निर्माण समिति बन्ने पनि बताए । धुर्मुसले यो परियोजना सरकारलायई सहयोग गर्नको लागि भएकाले सरकारले राम्रोसँग सोच्नपर्ने बताए । उनले उक्त अभियान एउटा फाउन्डेसन र व्यक्तीको मात्र नभएर राष्ट्रकै अभियान भएको लेखेका छन् ।
उनको स्ट्याटसपछि कमेन्टमा धेरैले रंगशाला निर्माणमा सहायोग गर्ने जनाएका छन् ।
