काठमाडौंः पल्सर स्पोर्टस् अवार्डको पिपुल्स च्वाइसका लागी चारजना खेलाडी मनोनयनमा परेका छन् । विभिन्न खेलकुद विधामा वर्षभरी उत्कृष्ट प्रदर्शन गर्ने चार जना खेलाडीहरु अर्वाडको मनेनयनमा परेका हुन् ।
नेपाल खेलकुद पत्रकार मञ्चले प्रदान गर्ने उक्त अवार्डमा फुटबल, भलिबल, गल्फ र टेबल टेनिसमा उत्कृष्ट प्रदर्शन गर्ने खेलाडी अवार्डका लागी छानिएका हुन् । फुटबलका किरण चेम्जोङ, भलिबलका मानबहादुर श्रेष्ठ, गल्फकी प्रतिमा शेर्पा र टेबल टेनिसका सन्तु श्रेष्ठ मनेनयनमा परेका हुन् ।
मनोनयनमा परेका खेलाडीमध्ये जसले सबैभन्दा बढी मत प्राप्त गर्न सक्छ उसैलाई आगामी जेठ चार गते अवार्ड प्रदान गरिने मञ्चले जनाएको छ ।
