काठमाडौंः विश्वकै चर्चित क्रिकेट प्रतियोगिता इन्डियन प्रिमियर (आइपीए) लिगको दोस्रो क्वालिफायरमा आज कोलकत्ता नाइट राइडर्स र सनराइजर्स हैदरावाद खेल्दै छन् । खेलमा जित निकाल्ने टोली प्रतियोगिताको फाइनलमा प्रवेश गर्दै उपाधिका लागि चेन्नाई सुपर किंग्सविरुद्ध खेल्ने छ ।
हैदरावादले पहिलो क्वालिफायरमा चेन्नाईसँग हार ब्यहोरेर दोस्रो क्वालिफायर खेल्न लागेको हो भने कलकत्ताले राजस्थान रोयल्सलाई पराजित गर्दै क्वालिफायरमा पुगेको हो ।
लिग चरणका खेलमा हैदरावाद शीर्ष स्थानमा रहेको थियो भने चेन्नाई दोस्रो स्थानमा रहेको थियो । यस्ते तेस्रो स्थानमा कोलकत्ता र चौथो स्थानमा राजस्थान रहेको थियो । क्वालिफायरमा पुग्ने चार टोलीमध्य राजस्थान उपाधि होडबाट बाहिरि सकेको छ ।
