एजेन्सीः फिफा विश्वककप २०१८ को उपाधि राष्ट्रकोरुपमा हेरिएको अर्जेन्टिनाका भरपर्दा खेलाडी लिओनेल मेस्सीको विश्वकप जित्ने अन्तिम मौका हो, अबको १० दिनपछि सुरु हुने प्रतियोगिता । विश्वकै सर्वश्रेष्ठ खेलाडीमध्येका एक उनी विश्वकपको उपाधि नजिक पुगेर पनि सन् २०१४ मा ब्राजिलमा भएको विश्वकको फाइनलमा पराजित भएको थियो ।
२१ वर्षकै उमेरमा ‘बेलोन डी ओर’ उपाधि जितेका उनले त्यसयता विश्व फुटबलमा तहल्का पिटिरहेका छन् । मेस्सीको खेल शैली र क्षमताका कारण विश्वका उतकृष्ट खेलाडीमध्येको एक बन्न सफल भएका हुन् ।
३० वर्षीय बार्सिलोनाका फरवार्ड मेस्सीलाई विश्वकै महान खेलाडी डिएगो म्याराडोनासँग तुलना गरिन्छ । उनले क्लब फुटबलबाट जित्न केही बाँकी छैन । तर, देशका लागि मेस्सीले कुनै पनि उपाधि उचाल्न सकेका छैनन् ।
विश्वकपका प्रत्येक संस्करणमा उपाधिको दाबेदार मानिने अर्जेन्टिनालाई मेस्सीको आगमनपछि बलियो टोलीकोरुपमा हेर्न थालियो । मेस्सीसहितको अर्जेन्टिनाले सन् २००६ मा र २०१० को विश्वकपमा क्वाटरफाइनलबाट घर फर्कियो ।
ब्राजिलमा आयोजना भएको सन् २०१४ को विश्वकपमा जर्मनीसँग फाइनलमा पराजित भएसँगै मेस्सीले अर्जेन्टिनालाई विश्वकप जिताउने मौका लगभग सकियो । अब मेस्सी र अर्जेन्टिनाको लागि विश्वकप जित्ने अन्तिम मौका यहि हुन सक्छ ।
