काठमाडौं । थाइल्यान्डमा आयोजना गरिएको वल्र्ड बडिबिल्डिङ च्याम्पियनसिपमा नेपालले जीतेको स्वर्ण पदकको खुशीमा राष्ट्रिय धुन श्रीमान गम्भिर गीत बज्न गएको छ ।
आयोजकको कमजोरीले नेपालका लागि स्वर्ण विजेता महेश्वर महर्जनको सम्मानमा राष्ट्रिय धुन बजाउँदा गम्भीर त्रुटी हुन पुगेको हो ।
नेपालको स्वर्ण पदक जीतमा नेपालको राष्ट्रिय झण्डा सँगै राष्ट्रिय धुन बजाउने पुरानो राजतन्त्रकालिन ‘श्रीमान गम्भीर नेपाल’ को धुन बजाइएको थियो ।
गलत राष्ट्रिय धुन बजेको विषयमा आफूलाई दुख लागेको नेपाल बडिबिल्डिङ एन्ड फिटनेस एसोसिएसनका उपाध्यक्ष दिनेश राजभण्डारीले बताएका छन् ।
नेपालको जीत हुनेमा ‘आयोजकलाई विश्वास नभएका कारण जीतपछि हतारमा इन्टरनेटबाट नेपालको धुन खोजेर बजाउदा गल्ती हुन पुगेको उनको विचार छ ।
तर यसअघि भुटानमा भएको ५० औं एसियन बडीबिल्डिङ च्याम्पियनसिपमा भने महर्जनले स्वर्ण जित्दा नेपालको नयाँ राष्ट्रिय धुन बजेको थियो ।
