कांग्रेसका कोइराला समूहका साँसदहरुले समेत गरे आलोचना
आइतबार १३ असोज, २०८१ | Sunday Sep 29, 2024
कांग्रेसका कोइराला समूहका साँसदहरुले समेत गरे आलोचना
काठमाडौं । तत्कालिन सशस्त्र विद्रोही माओवादीका अयोग्य लडाकुलाई दुई–दुई लाख रुपियाँ दिने सरकारी तयारीको सत्तापक्षीय साँसदहरुबाटै विरोध भएको छ ।
नेपाली कांग्रेसका विशेषगरी शेखर–गगन समूहका साँसदहरुले आर्थिक संकटको बेला पार्टी विशेषका कार्यकर्तालाई पैसा बाँड्ने कुरा गलत भएको भन्दै आलोचना गरेका हुन् ।
कांग्रेसका रामहरि खतिवडा, श्याम घिमिरे, शान्ति विकलगायतले आर्थिक संकटको बेला माओवादीका अयोग्य लडाकुलाई पैसा दिने कुरा गलत हो भन्दै यसलाई बन्द गर्नुपर्ने बताएका थिए । त्यस्तै, राष्ट्रिय प्रजातन्त्र पार्टीकी नेतृ रोशन कार्कीले जनताको करबाट उठाएको पैसा निजी सम्पत्ति जसरी पार्टीका कार्यकर्तालाई वितरण गर्न नहुने भन्दै कर्मचारीले तलब नपाएको बेला र विकास निर्माणका कामहरु रोक्किएको बेला पैसा बाँड्ने कुरा गलत भएको बताइन् ।
