आइतबार १३ असोज, २०८१ | Sunday Sep 29, 2024
काठमाडौं । उपल्लो डोल्पाको शे–फोक्सुण्डो गाउँपालिका–८ रिग्मो गाउँमा रहेको पर्यटकीयस्थल शे–फोक्सुन्डो तालमा अस्थायी प्रहरी चौकीको स्थापना गरिएको छ ।
प्रहरी कार्यालय सुर्खेतका प्रहरी नायब महानिरीक्षक भीम ढकालले शे–फोक्सुण्डोे ताल पुगी अस्थायी प्रहरी पोष्टको शुभारम्भ गरेका हुन् । यसले आपराधिक क्रियाकलाप कम हुनले उनको विश्वास छ ।
ढकालले भने, ‘आन्तरिक तथा विदेशी पर्यटकको आगमन वृद्धि भइरहेको हुँदा पर्यटकहरुलाई सुरक्षा प्रदान गर्न तथा ‘सुरक्षित शे–फोक्सुण्डोे सुरक्षित पर्यटक’ भन्ने अवधारणा अनुरूप छिट्टै शे–फोक्सुण्डोमा पर्यटक प्रहरी युनिटको समेत स्थापना गरिने छ ।’
