शुक्रबार ३० कात्तिक, २०८१ | Friday Nov 15, 2024
शुक्रबार ३० कात्तिक, २०८१ | Friday Nov 15, 2024
काठमाडौं । आज (जेठ २७) देखि एक हप्ता (असार १ गते) सम्म काठमाडौं उपत्यकाका विभिन्न स्थानमा विद्युत् आपूर्ति अवरुद्ध हुने भएको छ ।
कीर्तिपुर, कुलेश्वर र जोरपाटी वितरण केन्द्रअन्तर्गतका विद्युतीय लाइन भूमिगत गर्ने कार्यका लागि बिजुली कटौती गर्न लागिएको नेपाल विद्युत् प्राधिकरणले जनाएको छ ।
बिजुली बिहान ११ बजेदेखि दिउँसो ३ बजेसम्म कटौती हुनेछ ।
प्राधिकरणका अनुसार आज जोरपाटी फिडरअन्तर्गत मूलपानी पिपलबोटदेखि बाबाचोकसम्मको क्षेत्रमा विद्युत् आपूर्ति बन्द हुनेछ ।
त्यसैगरी, सोमबार रोपवे र मच्छेगाउँ फिडरअन्तर्गतको नगाउँ क्षेत्र, मंगलबार थानकोट फिडरअन्तर्गत पर्ने नैकापदेखि बल्खु पुलसम्मको क्षेत्रमा बिजुली कटौती हुनेछ ।
बुधबार कीर्तिपुर फिडरअन्तर्गत पाँगा सडक क्षेत्र, शुक्रबार बलम्बु फिडरअन्तर्गत गुर्जुधारा र सतुंगल क्षेत्र तथा शनिबार मूलपानी फिडरअन्तर्गत पर्ने फिकल चोकदेखि बाबाचोकसम्मको क्षेत्रमा विद्युत् आपूर्ति अवरुद्ध हुने प्राधिकरणले जनाएको छ ।
