शनिबार ५ असोज, २०८१ | Saturday Sep 21, 2024
ललितपुर । वर्षा र सहकालका देवताका रुपमा मानिने रातो मच्छिन्द्रनाथ जात्राको अन्तिम दिन जावलाखेलमा भोटो देखाइएको छ ।
मच्छिन्द्रनाथको रथ जावलाखेल पुर्याइएको चौंथो दिन आइतबार भोटो देखाइएको हो । भोटो अवलोकन गर्न उच्च पदस्थहरु जावलाखेल पुगेका थिए । लिच्छविकालदेखि मनाइँदै आएको यो जात्रा आजैबाट समापन भएको छ ।
कपडाको थैलीमा शीलबन्दी गरेर राखिएको मणिमणिक्य जडित भोटो अवलोकन गर्न सर्वसाधारणको भीड लागेको थियो । गुठी संस्थानका प्रतिनिधिले भोटो देखाएका थिए ।
यसै जात्राको अवसरमा आइतबार सरकारले काठमाडौं उपत्यकामा सार्वजनिक बिदा दिएको थियो ।
