काठमाडौंः नेपाली राष्ट्रिय टोलीका युवा खेलाडी सन्दिप लामिछाने वेष्ट इण्डिजमा हुने क्यारेबियन प्रिमियर लिग (सीपीएल) मा आबद्ध भएका छन् । उनी सीपीएलको सेन्ट किट्स एण्ड नभिस पेट्रियर्समा आबद्ध भएर लिग खेल्ने भएका हुन् ।
सन्दिपलाई पेट्रियर्सले पाँच हजार डलरमा भाउ लगाएको हो । उनी इण्डियन प्रिमियर लिग (आइपीएल) मा दिल्ली डेयर डेभिल्समा यसै सिजन २० लाख भारुमा आबद्ध भएका छन् ।
जिम्बाबेमा हुने विश्वकप छनोट प्रतियोगिता सकिएपछि उनी भारत प्रस्थान गर्नेछन् । सेन्ट किट्स एण्ड नभिस पेट्रियर्सको कप्तान क्रिस गेल हुन् ।
सन्दिपले लिगमा आबद्ध हुन पाउँदा खुसी व्यक्त गरेका छन् ।
