एजेन्सीः स्पेनीस ला लिगा फुटबल प्रतियोगितामा उपाधि होडबाट बाहिरि सकेको रियल मड्रिडले लेगानेलाई पराजित गरेको छ । गए राति भएको खेलमा आफ्ना प्रमुख खेलाडी बिनै मैदान उत्रेको रियलले लेगानेसलाई २–१ ले पराजित गरेको हो ।
खेलमा रियलका हतियार क्रिस्टियानो रोनाल्डो, सर्जियो रामोस र मार्सेलो उत्रिएको थिएनन् । रियलले उनीहरुलाई मंगलवार हुने च्याम्पियन्स लिगको दोस्रो सेमिफाइनल लेगका लागि तयार पारेको जनाइएको छ ।
जितसँगै रियलको प्रतियोगितामा ३४ खेलबाट ७१ अंक भएको छ । लिगको दोस्रो स्थानमा रहेको एथ्लेटिको मड्रिडको समान खेलबाट ७२ अंक रहेको छ । लिगको र्शीष स्थानमा रहेको बार्सिलोनाको ३४ खेलबाट ८३ अंक रहेको छ ।
तर, खेल सकिएपछि लेगानेसका कप्तानले रातो कार्ड पाए । उनले रेफ्रिरिले खेल सकिएको सिठी बजाएको विरोध गरेपछि रातो कार्ड पाएका हुन् ।
