शुक्रबार ३० कात्तिक, २०८१ | Friday Nov 15, 2024
काठमाडौं । साफ च्याम्पियनसिप २०२१ अन्तर्गत सोमबार बेलुकी श्रीलंकालाई ३–२ ले हराएको छ । लगातारको जितसँगै नेपाल फाइनलनजिक पुगेको छ । नेपाल लिग तालिकाको शीर्ष स्थानमा पनि उक्लिएको छ ।
तालिकामा नेपाल पछाडि बंगलादेश चार अंकसहित दोस्रो स्थानमा रहेको छ भने भारतको एक अंक मात्रै छ । माल्दिभ्स र श्रीलंका अंकविहीन छन् ।
नेपालका लागि सुमन लामा, अञ्जन विष्ट र आयुष घलानले एक–एक गोल गरे । श्रीलंकाका तर्फबाट मार्वन ह्यामिल्टनले र डेलन डिसिल्भाले पेनाल्टीबाट इन्जुरी समयमा दोस्रो गोल गरे ।
रोमाञ्चक खेलमा नेपालले धेरै पटक गोल गर्ने अवसर गुमाएको थियो । नेपालले आफ्नो पहिलो खेलमा आयोजक तथा डिफेन्डिङ च्याम्पियन माल्दिभ्सलाई पराजित गरेको थियो ।
