काठमाडौं । विवेकशील साझा पार्टीका अध्यक्ष रविन्द्र मिश्रले पटक पटक सत्तामा बस्दै आएका ठूला भनिएका दलले आफ्नो जग्गा अगाडिको पाटो पिच गरिदिए भन्दैमा खुशी नहुन भरतपुरवासीलाई आग्रह गरेका छन् ।
सामाजिक सञ्जालमा लेख्दै उनले दलहरुले काठमाडौंलाई सुकुम्वासी वस्ती बनाएको र भरतपुरलाई पनि त्यही बनाउन लागेको बताउँदै त्यस्तो बनिसकेपछि पछुताउनुको अर्थ नहुने बताएका छन् ।
मिश्र लेख्छन्, ‘अव्यवस्थित विकास गरेर तपाईंको पार्टीले काठमाडौँलाई कंक्रिटको जंगल बनायो । ‘धनीहरूको सुकुम्बासी वस्ती’ बनायो । अब भरतपुरलाई पनि त्यस्तै बनाउने ? भरतपुरवासीलाई आग्रहः आफ्नो जग्गा भएर जाने बाटो पिच हुँदैमा खुशी नहुनुहोला। शहर ‘सुकुम्बासी वस्ती’ बनेपछि पछुताउनुको अर्थ हुँदैन् ।
भरतपुरकी हालकी मेयर तथा आसन्न निर्वाचनका लागि पुनः मेयरको उम्मेदवार बनेकी रेणु दाहालले आफूले भरतपुरका गल्ली गल्ली पिच गरेर विकास गरेको कुरालाई प्राथमिकताका रुपमा प्रस्तुत गर्दै आएकी छन् ।
अव्यवस्थित विकास गरेर तपाईँको पार्टीले काठमाडौँलाई कंक्रिटको जंगल बनायो, "धनीहरूको सुकुम्बासी वस्ती" बनायो। अब भरतपुरलाई पनि त्यस्तै बनाउने? भरतपुरवासीलाई आग्रह: आफ्नो जग्गा भएर जाने बाटो पिच हुँदैमा खुशी नहुनुहोला। शहर "सुकुम्बासी वस्ती" बनेपछि पछुताउनुकोअर्थ हुँदैन। https://t.co/4hVt1ja5DR
— Rabindra Mishra (@RabindraMishra) May 6, 2022