मङ्गलबार १५ असोज, २०८१ | Tuesday Oct 01, 2024
काठमाडौं । नागरिकता विधेयक प्रमाणिकरण गर्न अस्वीकार गरेकोमा सत्ताधारी विद्यार्थी संगठनहरुले राष्ट्रपति विद्या भण्डारीविरुद्ध बिहीबार राजधानीमा विरोध प्रदर्शन गरेका छन् ।
कालोब्याजरसहित विभिन्न नारा लगाउँदै उनीहरुले राष्ट्रपतिको कदमको विरोध गरेका हुन् । उनीहरुले माइतीघर मण्डलादेखि नयाँ बानेश्वरसम्म प्रदर्शन गरे ।
राष्ट्रपतिको कदम असंवैधानिक भए पनि राष्ट्र र जनताको पक्षमा रहेको भन्दै सामाजिक सञ्जालमा त्यसको निकै समर्थन भइरहेको बेला सत्ताधारी दल, नेता र कार्यकर्ताले भने विरोध गरिरहेका छन् ।
संसदले दोस्रो पटक पारित गरेर पठाएको नागरिकतासम्बन्धी विधेयक मंगलबार रातिसम्म प्रमाणीकरण गरिसक्नुपर्नेमा राष्ट्रपतिले नगरेपछि राजनीतिक क्षेत्र विभाजित अवस्थामा रहेको छ ।
