मङ्गलबार १५ असोज, २०८१ | Tuesday Oct 01, 2024
काठमाडौं । टीकापुर घटनामा दोषी ठहर भएका रेशम चौधरीले बर्दिया क्षेत्र नम्बर २ बाट उम्मेदवारी दिएका छन् ।
डिल्लीबजार कारागारमा रहेका उनले कारागारभित्रबाटै आफ्नो पार्टी नागरिक उन्मुक्ति पार्टीको तर्फबाट उम्मेदवारी दर्ता गरेका हुन् । उनले यसअघिको चुनावमा जनता समाजवादी पार्टीको तर्फबाट उम्मेद्वारी दिएर चुनाव जितेका थिए ।
२०७२ सालमा भएको कैलालीको टीकापुरमा उच्च प्रहरी अधिकृतसहित आठ जनाको ज्यान जानेगरी भएको घटनाका मुख्य दोषीको रुपमा अदालत सजाय सुनाएपछि चौधरी जेलमा सजाय काट्दै आएका छन् ।
उनी र उनको पार्टीको पक्षमा कैलाली, कञ्चनपुर, बर्दियालगायतका जिल्लामा राम्रो जनसमर्थन देखिन्छ ।
