सोमबार १४ असोज, २०८१ | Monday Sep 30, 2024
काठमाडौं । सुनसरी क्षेत्र नम्बर ४ मा सत्तारुढ गठवन्धनबाट उम्मेदवार रहेका नेपाली कांग्रेसका ज्ञानेन्द्रबहादुर कार्कीको सकसपूर्ण जित भएको छ । उनी हालका सुचना तथा सञ्चार मन्त्रीसमेत हुन् ।
मतगणनामा झिनो मतान्तर कायम गर्दै आएका कार्कीले ११२ मतले विजयी भएका हुन् । बिहीबार बिहान सम्पन्न मतगणनामा नेकपा एमालेका जगदिश कुसियैतलाई हराउन उनी सफल भएका हुन् । कार्कीले ३० हजार ४८३ मत प्राप्त गर्दा कुसियैतले ३० हजार ३७१ मत ल्याए ।
मन्त्री कार्की बहुचर्चित र बहुविवादित अमेरिकी संस्था एमसीसी (मिलेनियम च्यालेन्ज कर्पोरेशन)ले दिन सहमति भएको अनुदानसम्वन्धी सम्झौता (एमसीसी कम्प्याक्ट)का एक हस्ताक्षरकर्ता पनि हुन् । मतगणनामा विवाद भएपछि यस क्षेत्रको नजिता आउन ढिलो भएको हो ।
