आइतबार १३ असोज, २०८१ | Sunday Sep 29, 2024
काठमाडौं । चितवन क्षेत्र नम्बर २ को जारी मतगणनामा राष्ट्रिय स्वतन्त्र पार्टीका उम्मेदवार रवि लामिछानेले ४० हजार ६९ मत प्राप्त गरेका छन् ।
उनले आफ्ना निकट प्रतिस्पर्धीहरुलाई निकै पछि पार्दै अग्रता लिएका हुन् । सत्तारुढ गठवन्धनका साझा उम्मेदवार जितनारायण श्रेष्ठले सात हजार ४५८ मत प्राप्त गरेका छन् भने नेकपा एमालेका उम्मेदवार रामप्रसाद न्यौपानेले सात हजार २६७ मत प्राप्त गरेका छन् ।
त्यस्तै, राष्ट्रिय प्रजातन्त्र पार्टीका जीवलाल पुरीले २५४ मत प्राप्त गरेका छन् । अहिले मतपरिणाम हेर्दा लामिछानेले पहिलाको भन्दा पनि धेरै मतान्तरले विजयी हुने देखिएको छ ।
