ओलीमाथि ढुंगामुढा गर्ने एमालेका होइनन्, सत्तापक्षका कार्यकर्ता हुन्ः गिरि

काठमाडौं । नेकपा ९एमाले०का प्रमुख सचेतक पदम गिरीले पार्टीका अध्यक्ष केपी ओली सहभागी झापाको बुधबारेमा आयोजित कार्यक्रममा सत्तापक्षकै कार्यकर्ताहरुले अबाञ्छित गतिविधि गरेको भन्दै आपत्ति जनाएका छन् । 

बुधबार प्रतिनिधिसभा बैठकमा आकस्मिक समय लिएर बोल्दै उनले ओली सहभागी कार्यक्रम बिथोल्न ढुंगामुडा गर्ने काम गरिएको बताए । यस घटनाप्रति आपत्ति जनाउँदै गिरिले मुलुकको शान्ति, सुरक्षा कायम गर्ने जिम्मेवारी पाएको सत्तापक्षले नै अध्यक्ष ओली सहभागी कार्यक्रममा होहल्ला गर्ने, ढुंगामुडा गर्ने र कार्यक्रम नै बिथोल्ने प्रयास गरेको बताए । 

उनले थपे, ‘हामी नेकपा एमाले शान्तिपूर्ण राजनीतिमा विश्वास गछौंै । हामी यो मुलुकमा लोकतन्त्र संस्थागत भएको हेर्न चाहन्छौं । सुशासन र विकासको बाटोमा मुलुक अगाडि बढोस भन्ने हामी चाहन्छौं । मुलुकका तमाम व्यथितिहरु अन्त्य हुनुपर्छ भन्ने पक्षमा हामी छौं । र, आम जनतालाई यो व्यवस्थाप्रति विश्वास जगाउन चाहन्छौं । र, मुलुकलाई एउटा सही गन्तव्यमा अगाडि बढाउने काममा हामी लाग्न चाहन्छौं । हामीले लडेर यो मुलुकमा लोकतन्त्र ल्यायौं । यति ठूलो परिवर्तन हाम्रै नेतृत्वमा हामीले ग¥यौं । तर आज नेकपा एमालेको एउटा कार्यक्रममा सहभागी हुन जाँदै गर्दाखेरी एमालेको नेतृत्वमाथि जुन प्रकारको ढुंगामुडा गर्ने कोशिस गरिन्छ । अनेकन ढंगले कार्यक्रम भाँडने कोशिस गरिन्छ । अशान्ति पैदा गर्ने कोशिस गरिन्छ । त्यसमा सत्तापक्षकै कार्यकर्ताहरु घुसपैठ गरिएको छ । र, त्यहाँ भित्र सहभागी गराउने काम हुन्छ । मुलुकमा शान्ति स्थापना गर्ने दायित्व सत्तापक्षको हो कि होइन रु त्यो जिम्मेवार हुनुपर्छ कि पर्दैन रु हामी प्रतिपक्षमा बसेर अन्याय सहन गर्नुपर्ने कुनै कारण छैन सभामुख महोदय । त्यसकारण हामी भनिरहेका छौं । हामी एउटा जिम्मेवार राजनीतिक पार्टी हौं । मुलुकमा एउटा शान्ति र स्थायित्व कायम होस् । देश अझ अग्रगतिको बाटोमा अगाडि बढोस भन्ने पक्षमा हामी लागेका छौं । र, हामीले रचनात्मक ढंगले भूमिका खेलिरहेका छौं ।’