शुक्रबार ३० कात्तिक, २०८१ | Friday Nov 15, 2024
काठमाडौं । नेपाल प्रहरी प्रधान कार्यालय, नक्सालले सम्पर्कविहीन २९ जना प्रहरी कर्मचारीलाई ७ दिनभित्र हाजिर हुन निर्देशन दिएको छ ।
कार्यालयले प्रहरी कर्मचारीहरू आफूखुसी गैरहाजिर रहेको र सम्पर्क गर्दासमेत सम्पर्कमा नआएपछि सूचना जारी गरी सम्पर्ककमा आउन भनेको हो ।
सूचनामा बाटोको म्याद बाहेक ७ दिनभित्र आफू गैरहाजिर हुनुको कारण खोली सन्तोषजनक स्पष्टीकरण जवाफसहित प्रहरी प्रधान कार्यालयमा हाजिर हुन भनिएको छ । अन्यथा कारबाहीस्वरूप सेवाबाट हटाउइने पनि सूचनामा उल्लेख गरिएको छ ।
सात दिनभित्र उपस्थित भएमा यो सफाइको मौकासमेत रहेको कार्यालयले जनाएको छ ।
यसरी यसरी गैरहाजिर हुनेमा नायब निरीक्षक, सहायक निरीक्षक, सहायक हवल्दार र जवानदेखि कार्यालय सहयोगीसम्म रहेका छन् ।
