बुधबार १६ असोज, २०८१ | Wednesday Oct 02, 2024
काठमाडौं । जनार्दन शर्माले अर्थमन्त्रीबाट राजीनामा नदिएसम्म कार्यालय नआउने अडानका साथ अनिश्चित कालका लागि विदामा बसेका अर्थसचिव मधुकुमार मरासिनी बिहीबारबाट काममा फर्किएका छन् ।
सचिव मरासिनी र मातहतका कर्मचारीको असहयोगपछि अर्थमन्त्रीबाट राजीनामा गर्न बाध्य भएका माओवादी नेता जनार्दन शर्माले बजेट निर्माणमा अनाधिकृत व्यक्तिलाई मन्त्रालय छिराएर करका दरहरु हेरफेर गराउने र उक्त दिनको सीसीटीभी फुटेज मिलाउने काम गरेको भन्दै चर्को विरोध भएको थियो ।
सचिव मरासिनीले बुधबार बिहान मुख्यसचिवलगायतलाई भेटेर अर्थमन्त्रीको कारण आफू काम गर्ने मनस्थितिमा रहेको भन्दै बिदा लिएका थिए । हिजो नै शर्माले मन्त्रीबाट राजीनामा दिएपछि उनलाई आजबाट मन्त्रालय फर्किन सहज भएको हो । बाहिर उनले आफू बिरामी भएर कार्यालय आउन नसकेको बताएका थिए । तर आज भने उनी आफ्नो कार्यकक्षमा काम गरिरहेका छन् ।
